and olsun....................................آند اولسون

*************
*********
******
***
*

!آند اولسون

!آند اولسون

!آند اولسون

آند اولسون ؛ آللها ﴿جل جلاله﴾ ، يوجه قورآنا
محمد﴿ص﴾ يايديغي تکجه درمانا

آند اولسون ؛ حقيقته،عدالته
بشر اوچون ازلي هيدايته

آند اولسون ؛ گوکلرين دان اولدوزونا
اودلار يوردونون ابدي اودونا

آند اولسون ؛ يئرلرين وولکانلارينا
اوقيانوسلارين بورولقانلارينا

آند اولسون ؛ جانا،جان آذربايجانا
او چیراغ کي وطن آديله يانا

آند اولسون ؛ دومانا،شئح آخماسينا
بنوو شه گوزونده یاش سالماسينا

آند اولسون ؛ تام تامارزاي گوزلريوه
داننانميش، دانيلميش حق سوزلريوه

آند اولسون ؛ وطنين حسرتلرينه

ائليمين چکديگي موحنتلرينه

آند اولسون ؛ سهنده ،ساوالان داغا
اوتايلي،بو تايلي ، مظلوم تورپاقا

آند اولسون ؛ آيريليق لار کورپوسونه
بولونموش بير ميللتين گوزگوسونه

آند اولسون ؛ کرکوکا، قارصا، باکی يا
زنگه زورا، بورچالييا، ماکي يا

آند اولسون ؛ آغري نين جمالتينه
دوغو دا، تانري نين جلالتينه

آند اولسون ؛ آلپ اوروزون داغلارينا
قافقازدا ، ائلبوروسون تاغلارينا

آند اولسون ؛ قورقودون شيرين ديلينه
آناميز تومروسون قانلي الينه

آند اولسون ؛ بابکين قانلي اوزونه
دوشمنه دئديگي کسگين سوزونه

آند اولسون ؛ تورانین داياناتينا
موسلمان اومتين تاريخاتينا

آند اولسون ؛ ماناسين چمکيرمه سينه
سمادا، قارتالين قي چکمه سينه

آند اولسون ؛ اوغوز خان مملکتينه
بويوک ارتوغرولون فراستينه

آند اولسون ؛ تورکه، سولطانليق تاجينا
آلپ ارسالانين ايتي قيلينجينا

آند اولسون ؛ تورکوستان بايراقلارينا
خوراسان، قورخود سيرا داغلارينا

آند اولسون ؛ گوک تپه قيامتينه
تورکمن ائلينين سرت غئيرتينه

آند اولسون ؛ اويغورلار دويوشونه
وطن يولوندا جانلار اوتوشونه

آند اولسون ؛ حلبين قان آدا سينا
نسيمي نين دهشت، سويولماسينا

آند اولسون ؛ طوغرول لارا،طوغانلارا

آند اولسون ؛ سونقورلارا ،طرلانلارا

آند اولسون ؛ قره قوما، قان آرالا
آند اولسون ؛ قيزيل قوما، خان اورالا

آند اولسون ؛ اوره که ،قانا،دامارا
آند اولسون ؛ پته که،بالا،باهارا

آند اولسون ؛ اويانيب اويا دانلارا

آند اولسون ؛ ياشاديب ياشايانلارا

آند اولسون ؛ طاليب اوفون احمدينه
آند اولسون ؛ روشدييه نين ابجدينه

آند اولسون ؛ ستارخان آسان بايراقا
آند اولسون ؛ صفرخان قالان دوستاقا

آند اولسون ؛ اوختايين شهامتينه
آند اولسون ؛ صمدين پاک غئيرتينه

آند اولسون ؛ باقيرخان دوتان سيلاحا
نبي سيز هجرين ائتديگي آها

آند اولسون ؛ دئمکيرات فدايي سينه
سومئرلره، قيل قميش آيه سينه

آند اولسون ؛ تانرينين داريخماسينا
موذين بابانين آذان يايماسينا

آند اولسون ؛ بابکين بذ قالاسينا
شهيد پيشه وري ، ائل آتاسينا

آند اولسون ؛ سلجوقلارا،آتيلايا

امير تيمورا، دمير قاريلايا

آند اولسون ؛ کوراوغلونون اینانجینا
سونگوسونه،قالخانینا،قیلینجینا

آند اولسون ؛ قاچاقلار قوچاغلیغینا

قاسیمین،کرمین قورخمازلیغینا

آند اولسون ؛ تبريزده آخان قانلارا
مئيدان دا قالانيب،اودلانانلارا

آند اولسون ؛ موباريز قهرمانلارا
تئللي يه، سريه يه،حيدر خانلارا

آند اولسون؛ تورک قادینین داراقینا

عظمت خانیمین اود یاراقینا

آند اولسون ؛ قوپوزا،اوزان حورمتينه
يارالي قافقازين حوريتينه

آند اولسون ؛ شيخ شاميل شريعتينه
چئچئن لرين بوکولمزهيمتينه

آند اولسون ؛ مشروطيت عوصيانينا
اتابکده سردارين آل قانينا

آند اولسون ؛ دورنالارين کوچمه سينه
هووارد خانين سسسيز جان وئرمه سينه

آند اولسون ؛ يوزقوردون اولاماسينا
گئجه لر مین گوزون پارلاماسينا

آند اولسون ؛ قيرآتين اوخرانتي سينا
قاراقاشقانين یال چالخانتي سينا

آند اولسون ؛ ناققانين کوکره مه سينه
کولک ين داغدا کويولده مه سينه

آند اولسون ؛ چنلي بئلين دومانينا
آند اولسون ؛ طوغرول به يين آمانينا

آند اولسون ؛ اورماندا، برک فيرتانا يا
آند اولسون ؛ اومماندا، سرت قاسيرغايا

آند اولسون ؛ شيمشکه ، شاققاشاقينا
آند اولسون ؛ چيچکه،گوي قورشاقينا

آند اولسون ؛ آنانين لاي لاي لارينا

آند اولسون ؛ بالانين هاي واي لارينا

آند اولسون ؛ کامانچانين تئل لرينه
آند اولسون ؛ قره نئيين زيللرينه

آند اولسون ؛ ماهنينين يارانماسينا
آند اولسون ؛ آلمانين قيزارماسينا

آند اولسون ؛ گولگونه،ناتوان خانيما
آشيق علعسکره،خسته قاسيما

آند اولسون ؛ صائیبین تورک سوگولونه

نیظامینین سئوگیلر هوردوگونه

آند اولسون ؛ ليليه،يانيق مجنونا
اصلييه ،کرمه ،آشيق جونونا

آند اولسون ؛ نوائی طوغرالارینا

حسن اوغلونون ایلک میصرالارینا

آند اولسون ؛ قاراباغ شیکسته سینه

موغاما،بایاتا،تورک جنگیسینه

آند اولسون ؛ عوزئييرين نوتلارينا
شامانلارين اووسانينا،اوتلارينا

آند اولسون ؛ ياللي يا تورک سه گاهينا
قاشقايلارين،تبريز،قيبله گاهينا

آند اولسون ؛ جوچی خان شرارسینه
صولت الدوله نین حیماسه سینه

آند اولسون ؛ گئن بورون اسينتيسينه
تورک کورفزينين،قاش ميرواريسينه

آند اولسون ؛ يوردومون آرانلارينا
ساتقيني کورائدن تيکانلارينا

آند اولسون ؛ کورپه لرين گولوشونه
ايهانتدن اپريميش گول اوزونه

آند اولسون؛ داشارغئيرت قايناغينا

ميللي شاپالاقلار شاققيلتيسينا

آند اولسون ؛ « قورد- قارتال» قانادلارينا
دوشمان کوکوائشن ديرناقلارينا

آند اولسون ؛ وارليقيمين قاشلارينا
يئني سئي،اورخون، تمل داشلارينا

آند اولسون ؛ ماراغا اوسطورلابينا
ربعي رشيدينين علم ابوابينا

آند اولسون ؛ قوجامان ارکين بويونا
سولطانييه يه ، غازان خان يولونا

آند اولسون ؛ آلا قاپي ساراسينا
شاه جاهانين، تاج محل صفاسينا

آند اولسون ؛ آنا ديل مدرسه سينه
تبريزين ايلک يونيوئرسيته سينه

آند اولسون ؛ آذرين اييرمي بيرينه
قالخيشا اوغراميش دوغما تبريزه

آند اولسون ؛ قوربانليق گئدن جانلارا
قان قوسان آييندا آسيلانلارا

آند اولسون ؛ بهمنين شاه دئوريمينه
اييرمي دوققوزونا، قان دپر مينه

آند اولسون ؛ قيزيلباش شهادتينه
شريعتمداري آغانين ديانتينه

آند اولسون ؛ «تورک آي»ين قووشماسينا
شهيد عابباس ميرزا ساواشماسينا

آند اولسون ؛ دربتين کئچيدلرينه
ايروانين داغيلميش مچيدلرينه

آند اولسون ؛ قيزيل آي ايشيلتيسينا
اطلسلر اوزه رينده ايشارتيسينا

آند اولسون ؛ تبريزده ،ايمامييه يه
گولوستان آدلي موعاهيده يه

آند اولسون ؛ دوستاغا دونن گونئيه
گونشين قوينوندا گولن قوزئيه

آند اولسون ؛ آرازدا سوزولن قانا
سوي قيريم تورنن اولو زنگانا

آند اولسون مچيدده يارالانلارا
کيليسا ديشينده پارچالانلارا

آند اولسون ؛ آنا دولو توپراغينا
سولطان محمدين اوردوگاهينا

آند اولسون ؛ شاه ايسماعيل چالان قوپوزا
شهيد زهتابي تانيدان اوغوزا

آند اولسون ؛ موقدس اودلار يوردونا

آند اولسون ؛ بو يوردون يانان اودونا

آند اولسون ؛ توکولن ناحاق قانلارا
آند اولسون ؛ شرفلي مرد اينسانلارا

آند اولسون ؛ آراز دا آخان آل قانا
آند اولسون ؛ پولاد تک سينماز ايمانا

آند اولسون ؛ قوردون مانقورت لوغماسينا
آند اولسون ؛ تورکون مانتورک بوغماسينا

آند اولسون ؛ جاوانشيرين عسکر لرينه
آند اولسون ؛ جاواد خانين لشکر لرينه

آند اولسون ؛ نوری پاشا آماجینا
آند اولسون ؛ آتاتورکون علاجینا

آند اولسون ؛ داش عثمان يوموروغونا
آند اولسون ؛ داش قارتال دوروشوغونا

آند اولسون ؛ اردبيل صلابت ينه
قورخو ده ده نين قورخونج قامتينه

آند اولسون؛ داش کسن هئيوه ره سينه
کاظيم داشي نين ماوي يوئره سينه

آند اولسون ؛ جان همدان غوربتينه
قيزيل اوزنه،زنگان جنتينه

آند اولسون ؛ اورمونون ماوي گولونه
باش اوجا موغانين ياشيل چولونه

آند اولسون ؛ قاراداغ ايلقارينا
قافلانلار،آسلانلار ايلغارينا

آند اولسون ؛ قرنفيل ياناق نيگارا
آنالار مله دن قارا يانوارا

آند اولسون ؛ سولطانلار ساوالانينا
نادير شاهين گئنيش خوراسانينا

آند اولسون ؛ قلمه، آغ واراقلارا
وارساق لارا، تانريا وارماق لارا

آند اولسون ؛ آرازا ،خزربابايا
جسارت سيمبولو چوهره قانليا

آند اولسون ؛ موسيونون هارایسينا
ثيقه الايسلام ين عاشوراسينا

آند اولسون ؛ آشيقين يانان سازينا
شيخ خيابانلينين،قان نامازينا

آند اولسون ؛ سارانين پاک عيصمتينه
بورلا خاتين آنانين سیرتینه

آند اولسون ؛ سهندين سوزخزینه سینه
یاکوت گویونده اولدوز سوزمه سینه

آند اولسون ؛ سارسيلماز بيرليک عشقينه
تورک ائللرینین حورلوک عيرقينه

آند اولسون ؛ پئسيانين مزارينا
زنگین حيدر بابانين شهريارينا

آند اولسون ؛ محمد امين ائلينه
آنا زينب پاشا نين کسر ديلينه

آند اولسون ؛ ائلچی بی ين قلمينه
اوجالتديغی اولدوز لو علمینه

آند اولسون ؛ فيضولی عطشليگينه
آند اولسون ؛ مولوی گونشليگينه

آند اولسون ؛ يونوسون تانري يانه سينه

آند اولسون ؛ نوصرتين عاشيقانه سينه

آند اولسون ؛ صابیرین شکرلرینه

آند اولسون ؛ ساهیرین سحرلرینه

آند اولسون ؛ سهملی ميللتيميزه
آند اولسون ؛ قهرلی آنا ديليميزه

آند اولسون ؛ خالقيمين پولاد رايينه
آند اولسون ؛ ووقارلي عزيز شانينه

آند اولسون ؛ موقدس اودلار يوردونا
آند اولسون ؛ بو يوردون يانان اودونا

آند اولسون ؛ جيلولار آخيدان قانا
آند اولسون ؛ اورمونون،سوی قيريمينا

آند اولسون ؛ قتله قتلي عامينا

آند اولسون ؛ خزله دونن چاغينا

آند اولسون ؛ قاراباغ ايگيد لرينه
آند اولسون ؛ خوجالي شهيد لرينه

جانلاريندان کئچن مرد جاوانلارا
ظاليمي اودلايان قهرمانلارا

ائليميز آلاجاق اينتيقاميني
سالاجاق تورپاقا موردار خائيني

نه قدر ظولم ائوي بر باد اولماييب
آذربايجان يورد و آزاد اولماييب

آذربايجانلي لار يا تما ياجاقلار
بو فيکري باشلاردان آتماياجاقلار

***********

*******************
*******************************